Imáxenes de Langermmania Gigantea dende Celanova

Recentemente, un amigo micólogo de Celanova se puxo en contacto con nós; a través dunha das súas páxinas web que me facilitaba puiden observar unhas fotos de Langermannia Gigantea que me deixaron realmente abraiado. Como nos conta o noso amigo Alejandro Mínguez, na zona de celanova é relativamente frecuente atoparse con exemplares de bos tamanos. Como testemuñas, chamamos a declarar ás fotos que nos enviou o compañeiro! (Podedes facer click nas fotos para amplialas)




Na primeira delas, Alejandro pousa con un demo de algo máis de 8 kg (algo maior incluso que a do video!, que non chegaba ós 8 kg), tomada no 95, se mal non lembro. O oitro exemplar xa ten un tamano máis "normaliño" (á dereita, abaixo podédelo ver en detalle).




Vouvos a deixar ademais os enlaces a dous blogs de Alejandro, nos que poderedes atopar variada e interesante información aparte de fermosas e curiosas imaxes relacionadas co mundo dos cogomelos. Pasen e vexan...



3 comentarios:

  1. Por se vos interesa, e queredes propoñer esta idea para Galicia (pensamos que é xenial) http://www.avozdetrasosmontes.com/noticias/index.php?action=getDetalhe&id=3926

    e hoxe tamén en Turismo de Galicia falan de setas e turismo: http://turismogalicia.blogspot.com/2009/09/turismo-micologico-galicia.html

    ResponderEliminar
  2. Boas rapaces (Luís?)! A verdade e que en galicia xa hai funcionando varios parques micolóxicos, así a bote pronto o Parque Micolóxico do río Belelle (Ferrol)! A idea por suposto que xa nos ronda a cabeza, pero tempo... Por agora, e parece que vai con bo pé, temos o proxecto de crear unha carballeira micorrizada en Ribeira, que xa sería todo un avance. O problema son os terreos, claro. Moitos dos terreos que, por exemplo posúe o concello, son pouco "aptos" para estos menesteres, pero xa estamos a mirar. De feito, unha das mellores parcelas propiedade do concello está "ocupada" de forma ilegal polo circuito de motocross en San Alberto, pero xa falaremos disto...
    Outra opción claro, é a doación dun particular... Imaxinádesvos a finca da condesa (no alto da Coenlleira) chea de carballos ata o Vilar? Dan gañas de asesinar a tódolos herdeiros! Non vai pasar, pero bonito é un rato.

    En fin, graciñas polo aviso rapaces e un saudiño!! Dende aquí loitaremos por botar os eucaliptos dos nosos montes antes de que chegen os koalas!!

    ResponderEliminar
  3. Hoxe saístedes na voz de Galicia,nunca está demáis un empuxonciño,a ver si hai sorte e isto vai adiante.

    Saudos.

    ResponderEliminar

Related Posts with Thumbnails