A Asociación Micolóxica Refungando nace cuns claros obxetivos, tal e como como reflexan os seus estatutos:
1. Divulgar a cultura micolóxica, para que a recollida de cogumelos se faga cunha elemental base científica que evite erros que poidan ser fatais, e de forma sostida sen poñer en perigo as especies nin os habitats.
2. Fomentar entre os mozos hábitos de vida saudabels, e un maior contacto coa natureza, mediante a afección á micoloxía.
3. Sensibilizar, non só aos afeccionados e amantes da micoloxía, senón a todas as persoas, sobre a necesidade de preservar o noso medio ambiente, e contribuir dende a asociación a este fin.
Como membro de esta Asociación, terás uns deberes que cumprir, entre os que destaca por suposto manter un comportamento respetuoso co monte e os cogomelos, xa que como membro haberás de servir como exemplo ós demais. Por iso, comportamentos e prácticas que se alonxen dos obxetivos e propósitos educativos da Asociación poderán ser motivos de expulsión coma socio. ¿Qué tipo de comportamentos? Os que todos sabemos: a recolleita abusiva e desproporcionada, a recolleita de cogomelos demasiado novos, o uso de bolsas para a recolleita, o uso de rastrelos ou similares, arrancar os cogomelos en lugar de cortalos pola base do pé, etc... Estes e oitro tipo de comportamentos incompatibles con un disfrute sostible desta actividade NON son admisibles dentro dunha asociación deste tipo, así que este é o momento de preguntarte: ¿é éste o meu lugar? Si a resposta é afirmativa, avanti co formulario (a cuota anual é de 20 €/piedrólares), se non, ninguén te vai impedir ir ó monte a facer estragos, alá cada un coa súa conciencia compañeiro... En canto recibamos o formulario poñerémonos en contacto contigo á maior brevidade posible. Enche tódolos campos (o número de conta pódelo deixar en branco se en lugar de domiciliar o pago da cuota prefires facelo en man).
Nota: Entre o formulario e o botón de envío veredes unha imaxe de cores con catro letras e un espacio ó lado no que deberedes introducir esas letras. Isto é para evitar o "spam" (ou sexa, que nos bombardeen o correo con anuncios de crecepenes e viagra, para os desentendidos)
nismes2.JPG)
